Bundesliga

Arminia Bielefeld “kafshatë” e lehtë për Bayernin, titulli për bavarezët formalitet

Bayerni i Muynihut pret vetëm matematikën për të festuar titullin e 10-të radhazi kampion në Bundesligë. Në javën e 30-të të kampionatit gjerman, bavarezët triumfuan 0-3 në fushën e Arminias së Bielefeldit, që ishte e pafuqishme për të përballuar forcën e skuadrës së drejtuar nga Nagelsmann.

Takimi u zhbllokua që në minutën e 10-të me autogolin e Laursen, ndërsa në fundin e pjesës së parë, pikërisht në minutën e shtatë shtesë, Gnabry realizoi pas pasimit të marrë nga Joshua Kimmich.

Bayerni dominoi në lojë edhe në minutat e mbetura, derisa në minutën e 85-të Musiala realizoi të tretin dhe të fundin e takimit pas pasimit të marrë nga Lewandowski.

Me vetëm katër ndeshje të mbetura dhe me 9 pikë diferencë ndaj Dortmundit Bayerni mund të shpallet kampion matematikisht javën e ardhshme.

 

 

Eventet Sportive në SuperSport

Të Fundit

EVENTET NË SUPERSPORT

To Top
Evolve Web Agency Evolve Web Agency