Kim Min-jae ishte një ndër surprizat e bukura të Napolit në sezonin e fundit. Mbrojtësi potent nga Korea e Jugut, të cilin kampionët e Italisë e siguruan nga Fenerbahce për 18 milionë euro, bëri shumë mirë në vitin e parë në Itali.
26-vjeçari formoi një dyshe të fortë me Amir Rrahmanin në qendër të prapavijës, duke i dhënë forcë dhe siguri skuadrës së Napolit. Që dominoi kampionatin italian dhe meritoi plotësisht fitimin e titullit kampion pas 33 vitesh.
Lexo edhe:
- Kërkohej nga Milan e PSG, sulmuesi i Chelsea-t nis bisedimet me Al-Nassr
- Walker mendon largimin nga City, Bayern e pret krahëhapur
- Dzeko preferon Fenerbahce para Interit, shpejt takohet me drejtuesit e klubit turk
- Alvaro Morata drejt Arabisë, spanjolli “tundohet” nga superoferta
Kim është prej kohësh në shënjestër të Bayern Munchen, që pritet të shesë Lucas Hernandez te PSG-ja. Për lojtarin aziatik interesohet edhe Manchester United, por ai ka zgjedhur kampionët e Gjermanisë.
Drejtuesit e Bayernit do të paguajnë klauzolën (50 milionë euro), teksa kanë arritur edhe akordin total me agjentin e qendërmbrojtësit. Kim do të firmosë një kontratë 5-vjeçare me klubin bavarez.
Nga e cila do të përfitojë rreth 10 milionë euro neto në sezon. Ndërkohë që një komision të madh nga ky operacion do të fitojë edhe menaxheri i lojtarit.
