Roma fitoi 1-0 gjysmëfinalen e parë të Europa League përballë Bayer Leverkusen. Goli i 20-vjeçarit Bove afron skuadrën e Jose Mourinhos me kalimin në finalen e madhe që do të luhet në “Puskas Arena” të Budapestit.
Ndërkohë, te Roma presin zyrtarizimin e rinovimit me Chris Smalling. Mbrojtësi anglez mungoi përballë “Aspirinave” për shkak të tërheqjes muskulore që e mban jashtë fushave prej 20 prillit.
Agjenti i tij, James Featherstone ishte i pranishëm në “Olimpico”. Sot postoi një videostory nga Trigoria, qendra stërvitore e Romës.
Lexo edhe:
- Kahn: Muller nuk do largohet nga Bayern, do e bind unë të qëndrojë
- Roma pranë goditjes së dytë në merkato, arrihet akordi me mbrojtësin francez
- 500 ndeshje me fanellën bardhezi, Bonucci: I lumtur që kam bërë histori me Juven
- Mourinho lartëson autorin e golit: Është i pjekur si një 30-vjeçar
Shtypi italian shkruan se marrëveshja e rinovimit është arritur dhe tani pritet vetëm firma e lojtarit mbi kontratën e re.
33-vjeçari anglez do të jetë pjesë e klubit kryeqytetas deri në vitin 2025. Pagës së tij sezonale (rreth 3.8 milionë euro në sezon) do t’i shtohen bonuset në bazë të numrit të ndeshjeve që do të luajë.
Smalling është pjesë e Romës prej verës së vitit 2019. Sezonin e parë e kaloi i huazuar në Serie A, më pas verdhekuqtë e bënë të vetin për 15 milionë euro.
