Hakim Ziyech pritet të jetë goditja e parë në merkato e Frank Lampard, që nga momenti që ish-mesfushori ka marrë drejtimin e Chelseat. Një fakt të tillë duket se e ka konfirmuar edhe trajneri aktual i marokenit, Erik ten Hag. Tekniku i Ajax ka konfirmuar në një farë mënyre se talenti Ziyech do të transferohet te Chelsea në përfundim të këtij sezoni. Më herët mediat holandeze kishin shkruar për një marrëveshje mes dy klubeve mbi bazën e 37.8 milionë paundëve për kalimin e 26-vjeçarit në Premier League në merkaton e verës. Hakim Ziyech ka shënuar 8 gola dhe ka dhënë 21 asiste në të gjitha kompeticionet në këtë sezon, duke qenë një nga lojtarët më të rëndësishëm të Ajax.