Me dygolëshin e realizuar mbrëmjen e djeshme ndaj Belgjikës, në ndeshjen të cilën Holanda e fitoi me rezultatin 1-4, Memphis Depay ngjitet në podiumin e golashënuesve të të gjitha kohërave të kombëtares së vendit të tij.
Sulmuesi i Barcelonës ka parakaluar Patrick Kluivert, me 41 gola dhe tani synon të kapë edhe shifrën e Klaas-Jan Huntelaar, i cili ka shënuar 42 gola. Vendin e parë në podiumin e golashënuesve më të mirë të përfaqësueses holandeze e mban Robin van Persie, me 50 gola të realizuar.
28-vjeçari është në top-formë dhe shumë i dëshiruar kur bëhet fjalë për kombëtaren, ndërsa kur bëhet fjalë për Barcelonën situata e sulmuesit është disi në pikëpyetje. Kjo pasi, pavarësisht faktit që ka shënuar 13 gola dhe ka dhënë 2 asiste në 38 ndeshje në të gjitha kompeticionet, duket se Depay nuk ka rol kryesor te planet e Xavit dhe largimi i tij nga katalanasit duket shumë i mundshëm, duke ditur edhe që kontrata mes palëve përfundon verën e 2023-shit.