Connect with us

Hi, what are you looking for?

Premier League

Arsenal “hakmerret” ndaj Ozil dhe nuk e federon, Turqia dhe MLS-ja opsionet për të ardhmen

Fantazisti turko-gjerman Mesut Ozil u transferua me bujë te Arsenali në verën e 2013-ës, por marrëdhëniet mes palëve erdhën duke u rënduar nga viti në vit dhe tani 32-vjeçari nuk është përfshirë nga klubi londinez as në listën e federimeve të Champions-it dhe as në atë të kampionatit.

Prej kohësh drejtuesit e “topçinjve” kanë provuar të ndërpresin bashkëpunimin me Ozil dhe së fundi i kanë kërkuar zyrtarisht këtij të fundit që të ulë pagën, por kanë marrë refuzime të vazhdueshme, ndaj janë “hakmarrë” duke e lënë në tribunë.

Gjithsesi vetë Ozil nuk duket aspak i shqetësuar nga ky vendim, pasi prej kohësh luante shumë pak dhe për më tepër, duke nisur nga 30 qershori i vitit të ardhshëm do të jetë lojtar i lirë dhe do të mund të vendosë vetë për të ardhmen e tij.

Opsioni më i mundshëm për momentin është ai kthimit të Ozil për të luajtur në kampionatin turk, duke qenë se vetë 32-vjeçari është parë shumë i lidhur me vendin e tij të lindjes vitet e fundit.

Megjithatë për fantazistin që fitoi edhe Kupën e Botës me Gjermaninë në 2014-ën, nuk përjashtohet as një transferim në MLS-në amerikane, apo kampionatin kinez, ku do të mund të përfitonte një pagë të majme për vitet e mbetura të karrierës.

Pak ditë më parë Ozil u bë protagonist për mirë, pasi vendosi të paguajë rrogën e personit që drejtonte maskotën “Gunnersaurus”, emblemë e Arsenalit, por që së fundi ishte pushuar nga puna nga drejtuesit.

Lajme të tjera

Legjionarët

Moment i vështirë për Armando Brojën. Sulmuesi shqiptar mori ftesë nga Sylvinho për t’u grumbulluar me kuqezinjtë për miqësoret e muajit mars, por pavarësisht...

Kombëtare

Sulmi është reparti që i ka shtuar më së shumti telashet trajnerit Sylvinho në prag të Euroianit të Gjermanisë, pasi thuajse të gjithë futbollistët...

Kombëtare

Sylvinho publikoi sot listën e lojtarëve që do të përfaqësojnë kombëtaren shqiptare në dy miqësoret përballë Kilit dhe Suedisë. Të programuara për datat 22...

Legjionarët

Ernest Muçi ka shënuar golin e dytë me fanellën e Besiktas. Sulmuesi kuqezi shndërroi në gol një pasim të Milot Rashicës, i cili shërbeu...