Arsenali bie pas plot 5 muajsh dhe 16 ndeshjesh në Premier League. Hera e parë që “topçinjtë” provonin shijen e humbjes në kampionat, ishte ajo e 4 shtatorit ndaj Manchester United në “Old Trafford”.
Që atëherë skuadra e Mikel Artetës nisi një seri rezultatesh pozitive që zgjati 16 ndeshje dhe përfundoi pikërisht sot më 4 shkurt, në tranfertën ndaj Evertonit në “Goodison Park”.
“Toffees” iu falën një goli të mbrojtësit Tarkowski në minutën e 60’, për të marrë 3 pikët në ndeshjen debutuese të trajnerit Sean Dyche në pankinë, teksa ky triumf rrit ndjeshëm shpresat për t’iu larguar zonës së ftohtë të renditjes.
Lexo edhe
- Bushi: Grup i kalueshëm, por duhet luftë! Ju tregoj problemin e madh të Shqipërisë
- “Vuajtjet morën fund”, Sergio Ramos: Messi më i miri në histori
- Kupa e Shqipërisë/ Përcaktohen çiftet çerekfinaliste dhe datat e ndeshjeve
Në “Goodison Park” u zhvillua një 90-minutësh shumë i luftuar dhe me pak raste të pastra, teksa Arteta provoi edhe kartën Jorginho, por pa rezultat, ndërsa në fund nuk mungoi as tensioni mes Zinchenkos dhe Maupay.
Kjo është fitorja e katërt sezonale e Evertonit, që ngjitet në kuotën e 18 pikëve, ndërsa Arsenali mbetet në krye me 50 pikë, por me frikën që Manchester City mund t’i afrohet edhe më shumë.
