Dëmtimi i Sokratis ka vënë në alarm drejtuesit e Arsenalit për të gjetur një mbrojtës në ditët e fundit të merkatos së janarit. Ata i kanë vënë syrin Eric Bailly të Manchester United, i cili nuk po gjen hapësira me Solskjaer në stol. Pavarësisht kësaj, trajneri norvegjez duket se nuk dëshiron të përforcojë një rival direkt për vendin e katërt ndaj dhe ka vendosur veton duke penguar kalimin e 24-vjeçarit te “Topçinjtë”, të cilët vetëm përmes një oferte shumë të rëndësishme mund të ndryshonin mendjen e drejtuesve të “Djajve të Kuq”.
