Starti i keq i sezonit duket se është hedhur përfundimisht pas krahëve nga Arsenali. “Topçinjtë” morën fitoren e katërt radhazi në Premier League përballë Evertonit në “Emirates”, ku Granit Xhaka luajti ndeshjen numër 100 me londinezët.
Pjesa e parë u mbyll me rrjeta të paprekura, pavarësisht se skuadra e Emery pati më shumë iniciativë në drejtim të portës së Evertonit.
Takimi mori rrjedhë të pakthyeshme në minutën e 56-të kur Lacazzette, i shërbyer nga Ramsey, që realizoi të gol të mrekullueshëm me një gjuajtje të kalibruar që përfundoi në trekëndësh. Vetëm tre minuta më vonë, ishte sërish Ramsey, që asistoi me një lëvizje magjike Aubameyangun, i cili nuk e pati të vështirë për ta dërguar topin në rrjetë. Pozicioni i tij, në fakt ishte jashtë loje, por nuk u dallua nga anësori. Përfundoi 2-0 për Arsenalin ky takim, rezultat që i ngjit “Topçinjtë” në vendin e 6-të, me 6 pikë më pak se Liverpooli kryesues.