Me Aaron Ramsey, i cili duket se do të largohet si një lojtar i lirë verën e ardhshme, Arsenal ka nisur të kërkojë për zëvendësuesin e tij. Emri më i fundit në listën e trajnerit Unai Emery është ai i mesfushorit të Napolit, Piotr Zielinski.
Polaku gjatë merkatos së verës ka qenë i lidhur me një kalim te Chelsea, por ofertat e bluve u refuzuan nga italianët. Edhe për “topçinjtë” e Arsenal nuk do të jetë e lehtë që ta shkëpusin 24-vjeçarin nga të kaltrit, pasi në “San Paolo” ai shikohet si pasuesi ideal i Marek Hamsik në mesfushë.
Për më tepër, me Ancelottin në stol, Zielinski ka gjetur shumë hapësira në formacion, duke u aktivizuar në pozicione të ndryshme të fushës, çka e bën atë një lojtar xholi për skemat e teknikut napolitan.