Situata e komplikuar që po kalon Arsenali mund të çojë në një revolucion të skuadrës gjatë merkatos së verës. Klubi anglez duhet të rregullojë çështjet me sulmuesit Aubameyang e Lacazette, të cilët me shumë mundësi do të largohen në fund të sezonit. Kapiteni i “Topçinjve” ndiqet nga Barcelona dhe Interi që gjatë verës do të kërkojnë ta shkëpusin 30-vjeçarin nga Londra.
Sa i takon Lacazette, 28-vjeçari kërkohet me insistim nga spanjollët e Atletico Madridit. “Los Colchoneros” pasi nuk arritën te siguronin Cavanin do të synojnë të arrijnë te francezi, të cilin e ndiqnin që në kohën kur luante tek Lyoni.