Arsenali ka hedhur sytë nga kampionati italian për të përforcuar skuadrën dhe në vëmendjen e “topçinjve” janë dy futbollistë që këtë sezon spikatën me fanellën e Sampdorias.
Bëhet fjalë për mesfushorin belg Denis Praet dhe mbrojtësin danez Joachim Andersen, të cilët ishin titullarë të padiskutueshëm në formacionin e Giampaolos dhe tërhoqën vëmendjen e shumë klubeve.
Arsenali bëri një ofertë të parë prej rreth 45 milionë eurosh, për të marrë dy futbollistët në Londër, por klubi gjenovez refuzoi, pasi pretendon 55 milionë euro, për të hequr dorë nga Praet e Andersen.
Në ditët në vijim pritet që Arsenali të bëjë një tjetër ofertë zyrtare, këtë herë rreth 50 milionë euro dhe të “rrëmbejë” dy talentet e Sampit, për t’i vënë në dispozicion të trajnerit Emery.