Arsenali po kërkon përforcime në mbrojtje dhe ka piketuar mbrojtësin turk të Juventusit, Merih Demiral, për të cilin është gati të ofrojë 35-40 milionë euro, që ta marrë që në janar.
Turku iu bashkua bardhezinjve gjatë verës, por ardhja e De Ligt e ka “izoluar” në pankinë dhe rikthimi i Chiellinit në muajin mars do t’i mbyllë edhe më shumë hapësirat për një vend në formacion.
Pikërisht për këtë arsye edhe vetë Demiral po shtyn drejtuesit e klubit bardhezi që të pranojnë ofertat në drejtim të tij, pasi ka nevojë për një skuadër ku mund të luajë rregullisht.
