Lazio e komplikon edhe më shumë pozitën e saj në Grupin E kualifikues të Europa League, pasi pësoi humbjen e dytë në tri ndeshje, edhe këtë herë duke shpërdoruar epërsinë fillestare ndaj kundërshtarit. Bardhekaltrit u mposht me përmbysje nga Celtic, edhe pse realizuan të parët me Lazzarin në fund të pjesës së parë. Në fraksionin e dytë për vendasit shënuan Christie dhe Jullien. Sfida tjetër e këtij grupi, Cluj-Rennes përfundoi 1-0.
Fitore “in-extremis” dhe me përmbysje 3-2 e Arsenalit në Londër përballë Guimaraes. Dy herë kaluan në epërsi portugezët (shënuan Edwards dhe Duarte), por “Topçinjtë” reaguan me Martinellin dhe Pepe, me këtë të fundit që realizoi dygolësh, të dytin në kohën shtesë. Po në Grupin F Eintrachti i Frankfurtit iu imponua 2-1 St Liegit.
Në Grupin C Baseli befasoi 0-1 Getafen në transfertë me golin e Freit. Në skuadrën zvicërane, që e mbylli takimin me 10 lojtarë, luajti titullar Taulant Xhaka, ndërsa Zhegrova qëndroi në stol. Në këtë grup, Krasnodari mori pikët e parë, pasi fitoi 0-2 me Trabzonsporin.
Në Grupin A, Sevilla mori fitoren e tretë radhazi, këtë herë 3-0 ndaj Dudelange, ndërsa Qarabag-APOEL përfundoi 2-2.
Në Grupin B, Dynamo Kiyv barazoi 1-1 me Copenhagenin, ndërsa Malmo fitoi 2-1 me Luganon.
Man. United fiton me një penallti në Beograd, gafë e Romës, humb dy pikë në shtesë