Nicolas Tagliafico është objektivi kryesor i Arsenalit për merkaton e verës. Mbrojtësi i Ajaxit me siguri do të ndërrojë ambient me përfundimin e këtij sezoni, ndërkohë që destinacioni i tij ende nuk dihet pasi për argjentinasin interesohen edhe klube të tjera, mes të cilave edhe nga Serie A. Pikërisht klubet italiane duket se janë të avantazhuar për të transferuar 26-vjecarin edhe pse Arsenal është i vendosur për të bërë një ofertë më të mirë në drejtim të Ajaxit. Ka qenë vetë agjenti i tij i cili ka pohuar se futbollisti do të pëlqente një transferim në Itali përpara kalimit te Arsenal, ndërsa ka lënë të hapur edhe mundësi të tjera të transferimit të mbrojtësit.