Connect with us

Hi, what are you looking for?

Premier League

Arsenali “zgjidh qesen”, paguan 50 milionë paundë për mbrojtësin e Anglisë

Pas një sezoni nën nivelin e pritshmërive, ku nuk arriti të sigurojë as një vend në kupat e Europës, Arsenali po bën një fushatë të bujshme merkatoje, për të rritur cilësinë e ekipit dhe për t’u rikthyer të garojë në nivele të larta në kampionatin anglez.

Kështu mbrojtja ka qenë një nga pikat e dobëta të formacionit të Mikel Artetës dhe për këtë arsye drejtuesit e klubit londinez kanë vendosur të shpenzojnë plot 50 milionë paund për të sjellë në “Emirates Stadium” 23-vjeçarin Benjamin William White.

I njohur ndryshe si Ben White, qendër-mbrojtësi është rritur në akademinë e Brightonit dhe në sezonin 2019-2020 luajti në huazim te Leeds United, ku u rrit ndjeshëm nën urdhrat e Marselo Bielsës dhe ishte një ndër protagonistët e rikthimit të skuadrës në Premier League.

Shtatorin e kaluar White u rikthyer sërish te Brighton dhe rinovoi kontratën deri në verën e 2024-ës, ndërsa gjatë sezonit që sapo u mbyll luajti titullar në 36 ndeshje, duke u shpallur edhe futbollisti më i mirë i sezonit në skuadrën e drejtuar nga Graham Potter.

Paraqitjet e mira të White nuk kaluan pa rënë në sy as të trajnerit Gareth Southgate, që e grumbulloi futbollistin për të qenë pjesë e listës përfundimtare të 26 futbollistëve me të cilët “tre luanët” u përfaqësuan në Euro 2020.

Afrimi i White te Arsenali vjen në një moment kur “topçinjtë” kanë ndërprerë bashkëpunimin me mbrojtësin brazilian David Luiz dhe anglezi 23-vjeçar do të duhet të formojë dyshen para portës së Leno, bashkë me brazilianin tjetër Gabriel Magalhaes, i cili erdhi në Londër një vit më parë.

Ndërkohë po sa i përket repartit të mbrojtjes, londinezët siguruan pak ditë më parë edhe shërbimet e portugezit 21-vjeçar Nuno Tavares, për kartonin e të cilit paguan rreth 10 milionë euro në arkat e klubit të Benficës.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...