Connect with us

Hi, what are you looking for?

Kombëtare

Asani: Kombëtarja emocion, ja kush ma bëri urimin më të veçantë

Asani: Kombëtarja emocion
Asani: Kombëtarja emocion

Jasir Asani është një nga risitë e Sylvinhos te Kombëtarja shqiptare, teksa bashkë me nis Mehmetin, grumbullohen për herë të parë, për ndeshjen ndaj Polonisë në Varshavë.

Ish-sulmuesi i Partizanit, që aktualisht luan në kampionatin korean, po bën mjaft mirë atje dhe ka fituar besimin e trajnerit, teksa në një konferencë për shtyp nga ambientet e Shtëpisë së Futbollit, rrëfeu emocionet e grumbullimit me Kombëtaren Kuqezi.

Si e pritët momentin kur morët ftesën nga Kombëtarja?
Jam shumë i lumtur, pasi jam nga Maqedonia e veriut dhe si çdo shqiptar atje, mezi e pres ftesën. Ne e ndjejmë fanellën kuqezi dhe japim gjithmonë 200%, ndaj jam shumë i lumtur që jam pjesë e Shqipërisë dhe gati të bëj më të mirën në fushë.

A keni ruajtur ndonjë gol për Kombëtaren, pasi shënuan tre gola fundjavën e kaluar në Korenë e Jugut?
Ftesën e kam pranuar menjëherë dhe me shumë dëshirë. Jam shumë i kënaqur që shënova tre gola në ndeshjen e fundit dhe tani jam gati të bëj maksimumin për Kombëtaren Shqiptare. Shpresoj që të fitojmë në Poloni dhe po të shënoj, do të ishte akoma më mirë.

Lexo edhe:

  1. Cikalleshi: Ndeshja më e vështirë me Poloninë, të mësojmë nga e shkuara
  2. “Pse sheh?” Mourinho sherr me presidentin e Lazios, Lotito: Po ti kush je?
  3. Ish-arbitri sulmon VAR-in: Vendosi ndeshjen Inter-Juve, duhet të mbajnë përgjegjësi
  4. “Xhaka është treguar fenomenal”, Arteta: I thashë se do të shënonte

Si ishte impakti i parë me trajnerin e ri?
Kam biseduar dje me trajnerin, por për të më kanë folur shumë njerëz. Është një trajner shumë i mirë dhe besoj që çdo gjë do të shkojë mirë. Duam të marrim rezultat pozitiv në Poloni dhe të arrijmë objektivat.

Ndaj cilit kundërshtar mund t’i marrim më lehtë tre pikët e plota?
Ne duhet të futemi në çdo ndeshje për të dhënë maksimumin, pasi asnjë takim nuk fitohet lehtë. Megjithatë ndeshjet duhen marrë me radhë dhe tani na pret Polonia, ndaj të mendojmë vetëm për atë.

Çfarë do t’i sjellë Asani Kombëtares Shqiptare?
Unë vij për të dhënë maksimumin gjithmonë, sa herë që trajneri të më hedhë në fushë. Natyrisht që dëshiroj të shënoj dhe nëse luaj, do të bëj maksimumin t’ia dal.

Si ju kanë pritur në grup?
Më kanë pritur shumë mirë, megjithatë duhet të them se disa prej futbollistëve i njihja prej kohësh. Jam shumë i lumtur që jam këtu.

Kush ua bëri urimin më të veçantë për ftesën në Kombëtare?
Alban Hoxha. Kemi kaluar shumë kohë te Partizani dhe edhe atij iu bë qejfi shumë që u grumbullova.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...