Rusi 2018

Asgjë serioze, Pique gati për Portugalinë, rikthehet edhe Carvajal

Asgjë serioze për Gerard Pique. Mbrojtësi i Barcelonës i cili një ditë më parë u largua përpara kohe nga stërvitja për shkak të një goditjeje që mori në gju, është stërvitur normalisht këtë të martë dhe do të jetë plotësisht i gatshëm për derbin iberik ndaj Portugalisë të premten.  Por lajmet e mira nuk mbarojnë këtu për trajnerin e La Rojas, Julen Lopetegui i cili pas Botërorit do të marrë drejtimin e Realit të Madridit. Dani Carvajal është stërvitur rregullisht me grupin këtë të martë duke hedhur pas shpatullave dëmtimin që pësoi në finalen e Champions League ndaj Liverpoolit. Megjithatë Carvajal nuk do të sforcohet dhe ndeshjen e parë ndaj Portugalisë pritet ta ndjekë nga stoli për të zbritur rregullisht në fushë në takimin e dytë në grup.

To Top