Çfarë zhgënjimi për Tottenhamin në ndeshjen e parë të fazës së grupeve të Championsit, në transfertë me Olympiacosin e Pireut. Skuadra londineze, finaliste e edicionit të kaluar, shpërdori epërsinë e dyfishtë arritur në pjesën e parë me golat e Harry Kane (26’ 11-m) dhe Lucasit (30’), pasi ekipi grek rikuperoi me finalizimet e Podence (40’) dhe Valbuenas (54’ 11-m).
Ish-futbollisti i Olimique Marseille dhe përfaqësueses franceze ishte vendimtar me paraqitjen e tij, pasi përveçse shënoi, ndihmoi me asist edhe në rastin e golit të parë të Olympiacosit.
Formacioni i drejtuar nga Mauricio Pochettino provoi me të gjitha mënyrat për të marrë fitoren, por Dele Alli dhe Lamela nuk i shfrytëzuan rastet që iu paraqitën.
Ndërkohë në Grupin A, Club Brugge – Galatasaray përfundoi në barazim pa gola.
