Ernest Muçi është përfshirë në formacionin e javës në Poloni teksa ish-futbollisti i Tiranës u bë protagonist në triumfin 2-1 të Legia Varshavës ndaj Stal Mielec. Ishte pikërisht sulmuesi ai që ndihmoi Legian të zhbllokonte rezultatin teksa në minutën e 49-të dhuroi asistin për Pekhart.
Për 21-vjeçarin ishte asisti i dytë radhazi pasi edhe në ndeshjen e kaluar të kampionatit ndaj Gornik, Muçi dhuroi asistin vendimtar në triumfin 0-1 të Legias.
LEXO EDHE:
- Kupa e Shqipërisë njeh dy gjysmëfinalistet e para, nuk ka surpriza
- “Vë dorën në zjarr, Barcelona nuk ka paguar arbitrat”, Pique: Ishim superior ndaj kujtdo!
- Shqipëria humbet një lider para Polonisë, një hall më shumë për trajnerin Sylvinho
- 1000 ndeshje nën presidencën e Hasanbelliut, 6 Kupa nën drejtimin e 23 trajnerëve të ndryshëm
Në ndeshjet e fundit të kampionatit duket se Muçi ka gjetur vazhdimësinë dhe ka pasur minuta të konsiderueshme në fushë teksa është një titullarët e formacionit të gjigantëve polak. Aktualisht, Legia është në vendin e dytë të kampionatit me 49 pikë, 9 më pak se kryesuesit e Rakow.
