Tottenham mposhti 5-1 Newcastle, siguroi suksesin e tretë radhazi në Premier League dhe vazhdon të jetë në garë për një biletë në Champions League. Dejan Kulusevski dhe Rodrigo Bentancur ishin dy afrimet e Tottenham në merkaton e dimrit.
Dy lojtarët e ardhur nga Juventusi, janë përshtatur shumë mirë tek ekipi i Contes. I pari dhuroi asistin e golit të tretë ndaj “Qymyrxhinjve”, duke u ngjitur në kuotën e pesë asistimeve në Premier League. Impakt fantastik i Kulusevskit në ishull, teksa asnjë lojtar nuk e ka arritur këtë shifër asistesh në Premier në një kohë kaq të shkurtër.
Conte është i kënaqur me rendimentin e 21-vjeçarit, të cilin e kërkoi edhe kur ishte trajner i Interit. “E doja në ekip kur drejtoja Interin, por Juventusi veproi më shumë shpejt dhe siguroi shërbimet e tij. Ndoshta ata kishim më shumë para se ne. Po flasim për një lojtar 21-22 vjeç.
Kulusevski duhet të vazhdojë të luajë në këtë mënyrë, është i fortë fizikisht dhe ka teknikë të mirë. Mendoj se afrimi i tij është një blerje e shkëlqyer për klubin tonë, për të tashmën dhe të ardhmen, është realisht një futbollist shumë i fortë.
I tillë është edhe Rodrigo Bentancur. E kam thënë gjithmonë që me këta dy lojtarë, edhe pse humbëm 4 të tjerë në merkaton e janarit, kontingjenti ynë është më i kompletuar dhe i ekuilibruar”, deklaroi Conte.
[quiz-cat id=”297576″]
