Kristjan Asllani foli për transmetuesin italian “Sky Sport Italia” pas fitores 4-0 të zikaltërve ndaj Viktoria Plzen. Për kualifikimin për në Champions League, Asllani tha: “Ishte një ndjenjë e mrekullueshme, veçanërisht për faktin se kam qenë tifoz i Interit që i vogël. Gjërat shkuan ashtu siç shkuan kundër Barcelonës (duke iu referuar dështimit për të shënuar golin e fitores), por shkuan në mënyrë perfekte këtu dhe unë duhet të falënderoj djemtë që më shpëtuan nga kritikat. Ne jemi të lumtur,” – tha 20-vjeçari. “Ishte një grup vërtet i vështirë. Avancimi më tej ishte thelbësor për ne. Tani ne kthejmë vëmendjen në Serinë A dhe më pas do ta zhvendosim fokusin tonë në raundet me eliminim direkt. Ja i lumtur tek Interi, gjithçkapo shkon mirë.”
Asllani nuk shqetësohet nga fakti që Inzaghi nuk e ka aktivizuar shumë.
“Është normale që nuk po luaj aq shumë, sepse kam lojtarë shumë të mirë përpara meje, përpiqem të mësoj sa më shumë çdo ditë lojtarë të mëdhenj, veçanërisht nga Brozovic dhe Calhanoglu. Duhet të vazhdojmë të punojmë.”
