Një gjysmë sezoni në kufijtë e perfektes në Serinë A italiane, ka vënë Kristjan Asllanin në qendër të vëmendjes dhe mbrëmjen e djeshme mesfushori mori edhe Çmimin Emiliano Del Rosso, i cili jepet nga votat e publikut për futbollistin më të mirë të Empolit.
Mesfushori 20-vjeçar shqiptar fitoi garën me portierin Vicario dhe shokun e skuadrës, Tonelli, ndërsa pas marrjes së çmimit deklaroi se nuk e priste që të rritej kaq shpejt në klubin toskan.
“Pas 13 vitesh me fanellën e Empolit, jam shumë i kënaqur që marr këtë çmim. Sezonin e kaluar isha te të rinjtë dhe nuk e prisja këtë hap, megjithatë unë punoj vazhdimisht e jap maksimumin për t’u rritur sa më shumë”, deklaroi Asllani.