Aston Villa mori fitoren e saj të parë në këtë sezon të ri të Premier League pikërisht në takimin debutues që kishte në shtëpi ndaj Sheffield United ndeshje e vlefshme për javën e 2-të por që ishte e para për skuadrën nga Villa Park, pasi në raundin e parë të kampionatit nuk zbriti në fushë. Kartoni i kuq i mbrojtësit Egan pas vetëm 12 minutash lojë, prishi planet e Sheffield United në këtë sfidë, gjithsesi skuadra mike kishte shansin ideal në minutën e 34-t për të kaluar në epërsi por Lundstram gaboi nga pika e bardhë e penalltisë. Nga ky gabim i Sheffield United përfitoi Aston Villa që në minutën e 63-të realizoi golin e fitores me Konsan, duke marrë tre pikët e para sezonale.
