Fitore shprese për Aston Villan në javën e 35-të të Premier League-s. Skuadra nga Birminghami iu imponua 2-0 Crystal Palace-t, megjithatë mbetet në zonën e ftohtë të renditjes, me 30 pikë, katër më pak se Watfordi i vendit të 17-të.
Në “Villa Park” shkëlqeu egjiptiani Trezeguet, i cili realizoi të dy golat e sfidës, një në çdo pjesë. Në tri javët e mbetura, Aston Villa duhet të rikuperojë 4 pikë ndaj Watfordit për të siguruar mbijetesën.
Pas dy disfatave radhazi, që e larguan nga zona Champions, Wolves mposhtën 3-0 Evertonin me gola të Jimenez, në pjesën e parë me 11-metërsh, Dendocker dhe Jotas. Skuadra e drejtuar nga Carlo Ancelotti me këtë disfatë mbetet përfundimisht jashtë zonës europiane.