Atalanta e Etrit Berishës i merr një pikë shumë të rëndësishme Torinos në transfertë (1-1), duke mbajtur një pozicion më poshtë në renditje pikërisht skuadrën e Sinisa Mihajlovic, teksa të dyja skuadrat kanë grumbulluar nga 20 pikë.
Gjatë pjesës së parë portieri i Kombëtares Shqiptare ishte i pakalueshëm, por në fundin e saj N’Koulou, i asistuar nga Ljajic, realizoi golin e parë të sfidës për Torinon.
Pak më herët portieri shqiptar i kishte mohuar golin serbit Ljajic, me një ndërhyrje vendimtare.
Në pjesën e dytë, pikërisht në minutën e 54-t, Atalanta arriti të barazonte me Ilicic, rezultat që nuk ndryshoi deri në vërshëillëm e fundit të gjyqtarit.