Newcastle i sheikëve lëviz për Duvan Zapatan e Atalantës. Sipas “Daily Record”, klubi në pronësi të Fondit të Investimeve Publike të Arabisë Saudite u ka paraqitur bergamaskëve një ofertë prej 30 milionë eurosh, po klubi italian e ka refuzuar.
Zikaltrit e Bergamos e vlerësojnë sulmuesin e tij, kontrata e të cilit skadon në qershor 2023, jo më pak se 45 milionë euro dhe kurrsesi nuk do të ishin të gatshëm për ta shitur në janar.
E njëjta situatë edhe për Robin Gosens. Ditët e fundit është raportuar për një marrëveshje mes “Magpies” dhe anësorit të kombëtares gjermane, i cili do të ishte gati të nënshkruante një kontratë për 3.5 milionë euro neto në sezon. Megjithatë, edhe në këtë rast, Atalanta nuk dëshirohet të privohet nga shërbimet e futbollistit gjerman.
