Atletico e Madridit përfundon e fundin në fazën e grupeve të Championsit, duke humbur edhe pjesëmarrjen në Europa League. Skuadra e drejtuar nga Simeone u mposht 2-1 në transfertë nga Porta, që kualifikohet si e para e grupit, ndërsa Bayer Levekuseni, falë pikës së marrë përballë Club Brugge, ngjitet në vendin e tretë falë epërsisë në sfidat e drejtpërdrejta me “Los Colchoneros”.
Atletico e nisi shumë keq sfidën në “Estádio do Dragão”, duke pësuar gol që në minutën e pestë (shënoi Taremi).
Dhe sikur të mos mjaftonte shoku i startit të takimit, në të 24-tën shënoi golin e dytë për vendësit Eustaquio.
Antoine Griezmann ia doli ta dërgonte topin në rrjetë në minutën e 68-të, por sistemi VAR e anuloi për një ndërhyrje të gabuar në ndërtimin e sulmit. Në minutën e pestë shtesë Savic shkurtoi diferencën në 2-1, por ky gol nuk mjaftoi për të shmangur humbjen e Atleticos.
