Për Filipe Luis janë ditët e fundit të aventurës me Atleticon e Madridit. Për 33-vjeçarin, të cilit i skadon kontrata në fund të sezonit aktual, nuk do të ketë rinovim, pasi klubi po vlerëson opsione të tjera, ndërsa e ardhmja e tij do të jetë në Brazil.
Flamengo dëshiron mbrojtësin me insistim dhe ka nisur bisedimet me agjentin e brazilianit për të cilin u përfol edhe një kalim te Barcelona, por nuk pati asnjë kontakt.
Ndërkaq, pasuesi i tij në krahun e majtë të mbrojtjes do të jetë një tjetër brazilian, Alex Telles, për të cilin Atletico Madrid do të paguajë 30 milionë euro në arkën e Portos.