E ardhmja e Griezmann tek Atletico Madrid nuk është aq e sigurt, ndaj dhe drejtuesit e klubit spanjoll po shikojnë për pasuesin e mundshëm të francezit. Mësohet se Angel Di Maria i është ofruar ekipit të Simeones, me këtë të fundit që ka një admirim të veçantë për argjentinasin e Paris Saint Germain. 30-vjeçari ka një kontratë deri në 2019 me kampionët e Francës dhe nuk ka ndërmend të qëndrojë, pasi dëshiron të jetë protagonist diku tjetër. Vetë Di Maria ka pohuar se klubi do të shesë disa lojtarë për të qenë në rregull me parametrat e Fair Play Financiar, ndaj dhe ky operacion mund konkretizohet në verë.