Reali i Madridit dështon në tentativën e parë për të fituar një trofe pa Cristiano Ronaldon. “Los Blancos” u mposhën 4-2 nga Atletico e Madridit në derbin madrilen të Superkupës së Europës të luajtur në kryeqytetin e Estonisë, Talin. Deri në minutën 79-të skuadra e drejtuar nga Lopetegui kryesonte 2-1, por “Los Colchoneros” jo vetëm që barazuan, por realizuan edhe dy gola në shtesën e parë, duke ngritur lart trofeun. Një shuplakë e fortë për trajnerin e Realit, që pa praninë e CR7, duhet të gjejë mekanizmat e duhur që kjo skuadër të funksionojë në perfeksion.
Diego Costa iu shmang me forcë mbulimit të Varane që në minutën e parë dhe në një kënd thuasje të pamundur mposhti portierin Navas, që ndoshta duhet të ishte vendosur më mirë në shtyllën e parë.
Karim Benzema barazoi me kokë i shërbyer nga Bale në minutën e 27-të, me pjesën e parë që u mbyll në barazim, 1-1.
Reali fitoi një 11-metërsh në minutëm e 63-të, ndërsa Ramos e ktheu në gol.
Atletico nuk u dorëzua dhe pas një presioni të vazhdueshëm barazoi 2-2 me të njëjtin autor, Diego Costan, në minutën e 79-të.
Për të përcaktuar fituesin u desh koha shtesë dhe pikërisht në minutën e 98-të Saul me një gjysmëkthesë realizoi një gol spektakolar, që u pasua me një tjetër finalizimim të Koke, që i suguruan trofeun e parë sezonal Atleticos, pikërisht përballë skuadrës që ka fituar 4 Champions në 5 sezonet e fundit.
