Atletico e Madridit është një skuadër me karakter të fortë, virtyt që e shfaqi edhe në sfidën e javës së 12 të La Ligas ndaj Atlhetic Bilbaos në “Wanda Metropolitano”, ku “Los Colchoneros” triumfuan 3-2 në frymën e fundit.
Formacioni i Diego Simeones luajti një pjesë të parë relativisht të dobët, teksa në minutën e 36-të u ndëshkoi Inaki Williams, që bëri më të thjeshtën në vijën fatale, pas topi u kthye nga traversa.
Vendasit barazuan në minutën e 61-të me një supergol nga distanca të Thomas, por vetëm 2 minuta më pas, Inaki Williams realizoi të dytin personal pas një shërbimi perfekt të Munianin.
Minutat fundit në “Wanda Metropolitano” ishin vërtet drithëruese.
Në të 80-tën barazoi me kokë Rodrigo, ndërsa sapo nisi koha shtesë veterani Godin çoi në ekstazë tifozët e Atleticos me golin e 3-2. Me këtë sukses “Los Colchoneros” ngjiten në vendin e dytë me 23 pikë dhe presin se çfarë do të ndodhë në përplasjen mes Sevillas dhe Espanyolit.
