Tashmë është e konfirmuar dhe pritet vetëm zyrtarizimi. Pas Godin, “garda e vjetër” e Atleticos së Madridit nuk do të jetë më, pasi edhe Juan Fran me Filipe Luis nuk do të vazhdojnë aventurën me “Los Colchoneros”. Drejtuesit e klubit madrilen kanë vendosur të rindërtojnë mbrojtjen pothuajse nga e para me dy lojtarët e krahut, që janë në fund të kontratave respektive. Si Juanfran ashtu edhe Filipe Luis do të vazhdojnë të luajnë në nivele të larta, pasi kanë oferta, dhe javën e ardhshme do të bëhet zyrtare edhe lamtumira e tyre nga Atletico Madridi.