Roger Federer kualifikohet në gjysmëfinale të Atp Finals. Favorit për të triumfuar në këtë turne, numri 2 në botë mposhti 2-1 me sete, 7-6, 5-7 dhe 6-1 20 -vjecarin gjerman Alexander Zverev, i cili e vuri në vështirësi serioze zvicëranin në dy setet e para, por u dorëzua pa kushte në setin e tretë, duke marrë vetëm një gejm.
Fillimi i ndeshjes rezultoi i vështirë për 36-vjecarin, i cili diti të reagonte me autoritet, duke i anuluar më pas një set-point në “tie beak” kundërshtarit, për të fituar në fund 8-6.
Në setin e dytë Zverev, edhe pse u thye në shërbim që në gejmin e parë, ariti të merrte avantazhin pasi Federer dështoi në shërbimet e tij në gejmin e katërt dhe të 12-të.
Seti final nuk pati histori. Talenti gjerman mori vetëm gejmin e parë, me Federer që fitoi lehtësisht në vetëm 32 minuta lojë 6-1 dhe të gjithë ndeshjen 2-1 me sete.