Vazhdon të vuajë Hamburgu, ku aktivizohet mbrojtësi i Kombëtares Shqiptare Mërgim Mavraj (qëndroi gjatë gjithë ndeshjes në stol). Skuadra veriore barazoi 1-1 në shtëpi me Hanoverin, që kaloi në avantazh që në pjesën e parë me Fossum. Pas këmbënguljes së gjatë Hamburgu barazoi me Kostic, ndërsa në shtesë Papadopoulos i vendasve u ndëshkua me karton të kuq. Hamburgu mbetet në vendin e parafundit në Bundesligë me vetëm 17 pikë.
Augsburgu u ngjit disa pozicione në renditje pasi fitoi 3-0 në shtëpi ndaj Eintrachtit të Frankfurtit, që mbetet një rival direkt për zonën europiane. Skuadra bavareze e dominoi përgjithësisht takimin, ndërsa tentativat e miqve në minutat e fundit për të kthyer rrjedhën e ndeshjes rezultuan të kota.
Ja-Cheol Koo i gjendur në kohën dhe vendin e duhur prishi ekuilibrat në rezultat në minutën e 19-të.
Golin e sigurisë vendasit e gjetën në 76-ën me Gregoritsch, ndërsa pak para se gjyqtari të vërshëllente për funditn e takimit Richter volusoi fitoren 3-0 të Augsburgut. Gjithsesi në renditjen e Bundesligës Eintrachti i Frankfurtit pozicionohet një vend më lart me 33 pikë, 2 më shumë se bavarezët.