“Rinovimi i kontratës së Lautaro Martinezit nuk është një problem”. Me këto fjalë drejtori sportiv i Interit, Piero Ausilio, “blindoi” futbollistin argjentinas, i cili po shkëlqen me fanellën zikaltër. 47-vjeçari theksoi se të gjithë në skuadër janë të kënaqur me sulmuesin dhe se rinovimi i tij nuk ka qenë, nuk është dhe nuk do të jetë një problem për ta.
Ai deklaroi se 22-vjeçari është një lojtar i ri dhe i talentuar që ka një kontratë 4-vjeçare me Interin. Ausilio tha se detyra e vetme e Lautaro Martinezin është që të japi maksimumin për skuadrën, pasi për rinovimin e kontratës ka kohë.