Pas Rafael Nadal, edhe Roger Federer arrin të kualifikohet në çerekfinale të Australian Open. Tenisti zvicëran mposhti pa humbur asnjë set hungarezin Marton Fuscovic, i cili e vuri në vështirësi 37-vjeçarin vetëm në setin e dytë.
Federer ishte gjithmonë nën kontroll të sfidës, por gjithsesi pa u sforcuar shumë, duke qenë i vetëdijshëm që në garë janë ende emra të rëndësishëm si Berdych, Djokovic dhe Nadal. 6-4 u mbyll seti i parë, me Federer që e theu në shërbim kundërshtarin në gejmin e 10-të. Seti i dytë vijoi deri në fund i ekuilibruar, por në “tie break” Federer fitoi 7-3.
Seti i tretë nuk pati shumë histori, sepse Fuscovic u thye dy heë në shërbim, duke humbur 6-2 dhe krejt ndeshjen 3-0 me sete. Në çerekfinale Federer do të përballet me tenistin çek Thomas Berdych, i cili mposhti me të njëjtin rezultat 3-0 italianin Fonigni, që i dha shenjat e dorëzimit që në setin e parë, ku mori vetëm 1 gejm. Dy setet e tjera Berdych i fitoi me të njëjtin rezultat 6-4.
Sa u përket femrave u kualifikua numri 1 në botë, Simona Halep, që dominoi 2-0 me sete (6-3, 6-2) japonezen Naomi Osaka. Nuk zhgënju as gjermania Angelique Kerber, që mundi 2-1 kinezen Su-Ëei Hsieh (6-4, 5-7, 2-6). Avancoi pa probleme edhe Madyson Keys, që mundi 2-0 (6-3, 6-2) Caroline Garcia.
