Befason sërish Hyeon Chung. Djaloshi koren, numri 58 në botë, nuk di të ndalet më, kualifikohet në gjysmëfinle të Australian Open, duke mundur në vetëm 2 orë e 34 minuta lojë amerikanin Tennys Sandgren 3-0 me sete (6-4 7-6 6-3). Sfida mes dy surprizave të këtij turneu i ka buzëqeshur tenistit aziatik, që për herë të parë na karrierë renditet mes katër më të mirëve të një turneu madhor, si grand slami australian. Në gjysmëfinale 21-vjeçari do të përballet me fituesin e çiftit Roger Federer – Tomas Berdych.
Sa u përket femrave, kualifikohen në gjysmëfinale dy pretendentet kryesore, Angelique Kerber dhe Simona Halep. Tenistja gjermane kaloi me shumë lehtësi 2-0 më sete, 6-1 dhe 6-2, amerikanen Keys në vetëm 52 minuta lojës, ndërsa rumunia i tregoi forcën çekes Pliskova po 2-0 me sete, 6-3, 6-2. Falë diferencave në fushë, edhe kjo përballje zgjati pak, 1 orë e 13 minuta.
Shorti i vë përballë njëra-tjetrës pikërisht në gjysmëfinale.
