Sensacionale! Novak Djokovic eliminohet nga Australian Open. Në fazën e 1/8-ave “Nole” nuk ia doli përballë koreanojugorit Hyeon Chung, numrit 58 në renditjen ATP, që fitoi pastër 3-0 me sete, 7-6, 7-5 dhe 7-5, në 3 orë e 24 minuta lojë. Chung zhvilloi një ndeshje të madhe, duke përdorur të gjitha armët për të cilat vlerësohej kundërshtari i tij. Dy nga tre setet e fituara i mori me “tie break”, duke e vënë serbin me shpatulla pas muri. Sigurisht që problemet fizike në bërryl të Djokovic patën ndikim të madh, megjithatë nuk i duhet hequr merita koreanojugorit, që në fazën çerekfinale të këtij grand slami do të përballet me Sandgren, i cili mposhti 3-2 me sete, në thuasje 4 orë lojë austriakun Dominic Thiem.
