Carlos Alcaraz nuk do të jetë pjesë e turneut të këtij viti në Australian Open. Shkak është bërë një dëmtim në gju, i cili pengon tenistin spanjoll të jetë në formën optimale teksa vetë 19-vjeçari tregon se punoi shumë për të qenë protagonist në Australi, por e ka të pamundur të luajë.
“Isha në më të mirën time, por një dëmtim në përgatitjet parasezonale shkatërroi planet. Ishte një lëvizje jonatyrale. Tani vuaj edhe një problem në gjurin e djathtë. Punova shumë për të qenë në Australian Open, por më duhet të mendoj rikuperimin dhe të shoh përpara”, u shpreh Alcaraz që me dëmtimet nuk ka pasur një periudhë të qetë së fundmi pasi nuk luan një sfidë zyrtare prej datës katër nëntor të vitit 2022.
Sakaq, me humbjen e shansit për të marrë pjesë në Australian Open, Alcaraz humbet edhe shansin për të fituar dy tituj Grand Slam radhazi pasi së fundmi triumfoi në US Open.