Connect with us

Hi, what are you looking for?

Tenis

Australian Open, Kenin-Muguruza finalja e madhe te femrat

Surpriza të mëdha në kategorinë e femrave në Australian Open. Kështu numri 15 i botës, tenistja nga Shtetet e Bashkuara Sofia Kenin që si rezultatin e saj më të mirë në turnetë e Grand Slam-it kishte raundin e katërt në Roland Garros siguroi finalen e madhe, teksa befasoi në fazën gjysmëfinale pikërisht numrin 1 në rruzull Ashleigh Barty. 21-vjecarja me origjinë ruse i anuloi tenistes australiane dy mundësi për setin hapës në tie break, si dhe disavantazhin 5-3 në setin pasardhës, për të fituar katër game-t e fundit të ndeshjes, si dhe gjithë takimin me rezultatin 7-6, 7-5 në 1h 45′ lojë. Ash Barty e përfundoi sfidën me 33 goditje fituese dhe plot 36 gabime, ndërsa “Sonya” në krahun tjetër ndonëse regjistroi vetëm 16 goditje fituese triumfoi falë qetësisë dhe zotësisë që tregoi në pikët e rëndësishme të ndeshjes. Në duelin përmbyllës Kenin do të masë forcat me tenisten spanjolle Garbine Muguruza, që nga ana e saj eliminoi në vetëm dy sete finalisten e vitit 2018 në Melbourne Park, rumunen Simona Halep. Në gjysmëfinalen e dytë numri 32 i botës i anuloi dy mundësi për setin hapës tenistes ballkanase, për të mbyllur llogaritë me set point-in e tretë në dispozicion 10-8 në tie break, ndërsa në setin pasardhës 26-vjeçarja iberike rikuperoi dy herë disavantazhin e një game me break për të mbyllur takimin në mënyrë identike si Kenin, duke rekuperuar rezultatin 3-5 për të marrë katër game-t e fundit rresht dhe përfunduar krejt ndeshjen me shifrat 7-6, 7-5 në diçka më tepër se dy orë lojë.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...