Mrekulla me emrin Stefanos Tsitsipas përfundon në gjysmëfinale. Rafael Nadal është finalisti i parë i Australian Open. Tenisti spanjoll mundi në gjysmëfinale grekun Stefanos Tsitsipas me rezultatin 3-0, me sete 6-2, 6-4 dhe 6-0, ndeshja zgjati një orë e 46 minuta.Tsitsipas konsiderohet si e ardhmja e tenisit, pasi është 20 vjeç dhe është cilësuar si një tenist mjaft i talentuar dhe që pritet të ngjisë majat në vitet e ardhshme ndërsa në Australian Open nxorri jashtë nga turneu zviceraninin Roger Federer. Gjithsesi talenti i tij nuk u konsiderua nga Nadal, i cili ia bëri më të thjeshtë vetes kalimin në finale. Kjo është hera e 25-të që spanjolli shkon në një finale Grand Slam, për më tepër që këtë herë u kualifikua pa humbur asnjë set.Finalja do të zhvillohet të dielën, më datë 27 dhe Nadal pret të mësojë kundërshtarin mes rivalëve Djokovic dhe Pouille që do të ndeshen nesër në 9:30 në gjysmëfinale.
Te femrat është përcaktuar çifti finalist. Të shtunën do të përballen mes tyre për trofeun e Australian Open numri 4 i botës dhe fituesja e grand slamit të fundit të vitit të kaluar, japonezja Naomi Osaka dhe tenistja nga Republika Çeke Petra Kvitova e cila renditet e 6-ta në botë. Osaka në gjysmëfinale mposhti 2-1 me sete çeken tjetër Karolina Pliskova ndërkohë që Kvitova mposhti pastër 2-0 me sete amerikanen Collins.