Crvena Zvezda – Milan do të luhet pa tifozë. Autoritet shëndetësore në Serbi, më saktë komitet i ngritur për manaxhimin e krizës së COVID-19, nuk e kanë pranuar kërkesën e klubit me seli në Beograd që kjo përballje të luhej me praninë e tifozëve që do të akomodoheshin në 30% të kapacitetit të stadiumit të famshëm “Marakana”.
“Ne nuk mund të lejojmë asnjë lloj tubimi, përfshirë ndeshjen e së enjtes, pasi situata epidemiologjike është përkeqësuar në ditët e fundit, veçanërisht në Beograd,” – tha Predrag Kon, epidemiologu më i famshëm i vendit, në fund të një mbledhjeje të njësisë që manaxhon krizën.
Specialisti shtoi se një numër i madh njerëzish pritet të kthehen nga pushimet dimërore dhe pritet rritje të rasteve të infektimit në Beograd. “Në këtë situatë, çdo formë e mbledhjes së një numri të madh njerëzish është e paimagjinueshme,” – tha Kon.
Të dielën e kaluar, drejtuesit e Crvena Zvezdas i dërgun një letër presidentit serb, Aleksandar Vuçiç, duke kërkuar që të lejojë praninë në tribunat e 15 000 spektatorëve (30% të kapacitetit të stadiumit Marakana).
