Ndërhyja e shëmtuar e Sergio Ramos, që nxori jashtë loje Salah në finalen e Championsin, ka indinjuar edhe Unionin Europian të Xhudos, që ka dalë me qëndrim në faqen zyrtare në rrjetet sociale:
“Mbajtja e krahur është një teknikë e rrezikshme dhe e ndaluar në Xhudo, por në futboll të ndihmon të fitosh Champions League-n”.
E ndërsa Mohamed Salah ka nisur fazën e riaftësimit, për të qenë gati për Botërorin, më Egjipt janë shumë të irrituar nga sjellja e Sergio Ramos, që u pikas nga kamerat duke qeshur në momentin kur Salah, mes lotësh, por largohej nga fusha. Avokati egjiptian, Bassem Wahba, do t’i kërkojë mbrojtësit spanjoll 1 miliard euro dëmshpërblim për “dëmtime fizike dhe psikologjike”. Ramos, mendon avokati, e ka dëmtuar me qëllim sulmuesin egjiptian ndaj duhet të ndëshkohet. Denoncimin do të bëjë në FIFA. Ndërkohë, në Egjipt, numri i personave që kanë firmosur online një peticion ku i kërkohet FIFA-s të ndëshkojë Sergio Ramosin ka shkuar thuasje 500 mijë.
