Mesfushori i kombëtares shqiptare të futbollit, Nedim Bajrami, ka folur për herë të parë për transferimin e tij nga Empoli te Sassuolo.
Shqiptari tha për mediet italiane se zgjodhi këtë skuadër, pasi sipas tij aty dinë të luajnë futboll.
“Zgjodha Sassuolo sepse është një vend shumë i rëndësishëm me një trajner që e njihja tashmë. Kam folur gjithashtu me të. Është një mjedis si ai i Empolit, me djem që dinë të luajnë futboll. Jam shumë i lumtur që jam këtu.”-tha Bajrami.
Më tej 23-vjeçari zbuloi edhe se cili është qëllimi i tij te skuadra e re.
“Qëllimet e mia janë të ndihmoj skuadrën me karakteristikat e mia dhe të shënoj sa më shumë gola dhe të jap sa më shumë asist.”-shtoi mesfushori.