Elis Bakaj i jep fund beqarisë. Sulmuesi i Shakhtyor Soligorsk në kampionatin bjellorus, mbrëmjen e të shtunës është martuar me të fejuarën e tij, modelen rumune, Andreea Alexandra Constantin. Një cermoni madhështore e zhvilluar në ambientet e “The Plaza Hotel” në kryeqytet, në praninë e 200 të ftuarve të cilët ja bënë më të bukur Elis Bakajt ditën më të lumtur të jetës së tij.
Pas diçka më shumë se 6 viteve lidhje me bukuroshen rumune që nga periudha kur luante me Dinamon e Bukureshtit, ish lojtari i kombëtares kuqezi bëri hapin e madh duke lidhur kurorë me Andreean. Mes të ftuarve ishin edhe ish futbollistë, ish shok skuadre të Bakajt në skuadra të ndryshme të kampionatit shqiptar. Spikasnin kapiteni i Tiranës Erando Karabeci, kapiteni i Kukësit Ylli Shameti, mbrojtësi i Partizanit Renaldo Kalari dhe ish mbrojtësi i Tiranës dhe Vllaznisë Endri Vrapi. Supersport i uron jetë të lumtur çiftit!