Sulmuesi Cedric Bakambu bëhet lojtari më i shtrenjtë afrikan në histori pas transferimit të tij në Kinë për 65 milionë paund. 26-vjeçari u transferua te skuadra e Beijing Guoan, pasi shfuqizoi kontratën e tij me spanjollët e Villarreal, me të cilët është aktivizuar 101 herë dhe ka shënuar 46 gola. Duke marrë parasysh vlerën e shpenzuar nga klubi aziatik për Bakambu, ajo tejkalon shumën e mëparshme rekord të paguar për një lojtar afrikan, kur Arsenali nënshkroi me Pierre-Emerick Aubameyang nga Borussia Dortmund për shumën e 56 milionë paund gjatë merkatos së janarit.