Një ngjarje që vazhdon të prodhojë polemika edhe pas 26 vitesh. Diego Armando Maradona, i cili rezultoi pozitiv me doping pa ndeshjes Argjentinë-Nigeri, gjithmonë ka drejtuar gishtin nga zyrtarët e FIFA-s, të cilët donin të ndëshkonin një zë të rëndësishëm kundër. Për ta rindezur debatin mendon Abel Balbo, ish-sulmuesi argjentinas, që spikati në Europë kryesisht me Romën në Serinë A.
“Ishte hera e parë që një infermiere hynte në fushë për të përzgjedhur një futbollist për kontrollin antidoping. Ajo që i ndodhi Diegos ishte një komplot. Po i shqetësonim dhe nuk mund të na lejonin që të shpalleshim kampionë të botës. Ishte gjithçka shumë e çuditshme.”
Sipas Balbos, ishte i qëllimshëm dëmtimi i Maradonës dhe ato që ndodhën me vonë në FIFA e vërtetuan këtë.
“Diego ka qenë shumë i sinqertë me ne dhe po i bënte gjërat për së mbari. Ata e kërkuan dhe erdhën për ta marrë, bënë teatër. Koha na dha të drejtë. Të gjithë e kanë parë që në FIFA kishte diçka që mbante erë.”
