Connect with us

Hi, what are you looking for?

Lajme

Bale: Duam vendin e parë në grup që të luajmë në Wembley

 

Në prag të sfidës Itali-Uells në “Olimpico” të Romës, nga “drogonjtë”, përkrah trajnerit Robert Page në konferencë për shtyp foli edhe Gareth Bale, futbollisti i Tottenhamit, i huazuar te londinezët nga Real Madridi:

“Do të jetë një sfidë e madhe. Italia është një ekip i shkëlqyer, është gjithmonë e vështirë për të luajtur kundër tyre. Ajo që mund të bëjmë është të planifikojmë, të përgatitemi dhe të japim gjithçka në fushë. Fitorja do të ishte një rezultat i madh dhe ne do të përpiqemi të arrijmë. Kemi një plan loje”.

Bale rezervon fjalë vlerësuese për shokun e tij të kombëtares, Ramsey:

“Ai nuk ka luajtur shumë këtë sezon, por kur kthehet në ekipin kombëtar gjithmonë punon shumë. Kemi luajtur së bashku për shumë vite. Është shumë mirë të luash me të, mirëkuptohemi në fushë”.

Bale lë të kuptohet se rezultati i vetëm që do të kërkohet nga Uellsi është fitorja.

“Duke fituar kundër Italisë, ne do ta mbyllnim të parët në grupin dhe ndoshta do të kishim ndeshje më të lehta në vazhdim. Do të ishte një moment krenarie për Uellsin. Ne do të përpiqemi të fitojmë grupin, që të luajmë në Wembley, do të ishte mirë për tifozët tanë.

Në kthimin e mundshëm në Madrid, në stolin e Realit do të gjejë Carlo Ancelotti:

“Nuk kam zgjidhje tjetër. Ai do të jetë trajneri i Realit të Madrid. Ajo që mund të them është se kam marrëdhënie shumë të mira me të, ai do të bëjë gjëra të mëdha te Reali”.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...