Ivan Balliu ishte një ndër më të mirët në triumfin e Rayo Vallecanos ndaj Real Madrid me rezultatin 3-2. Mbrojtësi i kombëtares pati një detyrë të vështirë duke qenë se në krahun e tij aktivizohej Vinicius Junior, mirëpo në duelin me brazilianin, lojtari i Shqipërisë ia doli më së miri dhe në fund, shpjegoi edhe mënyrën se si e ndali futbollistin e Real Madrid.
“Është e vështirë të ndalësh lojtarë si Vinicius Junior, ndaj më duhej të vendosja në funksion edhe disa mënyra që nuk shkojnë me rregullat e futbollit. Ai u përpoq të tregonte forcën e tij, të shenjonte territorin, por në fund unë i kujtova se lista e Botërorit sapo ishte shpallur dhe se nuk mund të rrezikonte për ta humbur atë.
Është e vështirë që e godita në kokë, por ai ekzagjeron pak. Por, nuk kisha asnjë qëllim për ta dëmtuar. Lojtarët e Realit protestuan në disa raste kundër meje, por në asnjë moment nuk kërkuan për karton të kuq apo për diçka të tillë”, u shpreh Balliu.
